Rjúpnadals-hundaræktun.

ræktandi Ferdinand Hansen

Markmiðið með ræktun Rjúpnadals-hunda er að rækta enska seta sem frábæra veiði-og heimilishunda.                                                                            

Enski setinn er fyrsta flokks veiðihundur. Hann hentar afar vel til rjúpnaveiða, vinnur sjálfstætt en í góðri samvinnu við stjórnanda sinn.

Enski setinn er ljúfur, barngóður og yfirvegaður heimilishundur.

Flottur standur hjá 8 vikna hvolpum.

Rjúpnadals hvolpakaupasamningur.

Skyldur seljanda og kaupanda.

Undirritaðir gera með sér eftirfarandi samning við afhendingu á hvolpi með ræktunarnafninu RJÚPNADALS-

Ættbókarnúmer.____________________Nafn._____________________________

Skyldur ræktanda:

· Ræktandi skrái hvolpinn hjá HRFÍ og greiði allan kostnað

· Hvolpinum fylgi heilbrigðisvottorð frá dýralækni, og hann sprautaður fyrstu sprautu gegn smáveirusótt.

· Ræktandi láti nýjum eiganda í té allar mögulegar upplýsingar og ráðgjöf sem geta komið honum til góða, varðandi uppeldi og þjálfun á hvolpinum endurgjaldslaust.

· Hvolpeiganda skal standa til boða verkleg leiðsögn í grunnþjálfun fuglahunda hjá ræktanda gegn vægu gjaldi, miðað við námskeið á almennum markaði.

· Ræktandi veiti nýjum eiganda ráðgjöf varðandi pörun í framtíðinni ef eigandi óskar þess.

Skyldur nýs eiganda:

· Að fylgja lögum og reglum HRFÍ varðandi meðferð og eignarhald á hundum.

· Að leggja vinnu og metnað í að kenna hundinum og þjálfa hann þannig að sem mestar líkur verði á að hann verði ræktunarnafni sínu til framdráttar.

· Hvolpurinn er afhentur nýjum eiganda með þeim skilyrðum að hann verði þjálfaður og notaður til rjúpnaveiða.

· Að láta röntgenmynda hundinn þegar hann er 24 mánaða og skrá niðurstöður í ættbók hjá HRFÍ.

· Að sýna hundinn að minnsta kosti einu sinni á sýningu HRFÍ meðan hann er á þriðja ári.

· Að mæta með hundinn að minnsta kosti á eitt veiðipróf hjá HRFÍ á meðan hann er unghundur og einu sinni á meðan hundurinn er tveggja ára.

· Ef nýr eigandi brýtur samning þennan eða ákveður að láta hundinn frá sér skal ræktandi hafa forkaups-eða ráðstöfunarrétt á sömu kjörum og voru við eigandaskipti í upphafi.

· Nýr eigandi skuldbindur sig til að nota ekki hundinn til ræktunar sé hann yngri en tveggja ára og því aðeins að hann sé með heilbrigðar mjaðmir og hafi náð 1. einkunn í OF bæði á sýningu og á veiðiprófi hjá HRFÍ, nema með skriflegu leyfi ræktanda. Sama gildir um aðra þá hunda sem þeim er ætlað að parast með.

f.h. ræktanda. ___________________

f.h. kaupanda ___________________